Faasale ayse bhi honge ye kabhi socha na tha
samane baitha tha mere aur vo mera na tha
wo ki Khushbu kii tarah phailaa thaa mere chaar su
main use mahasuus kar sakataa thaa chhu sakataa na tha
raat bhar us kii hii aahat kaan main aatii rahii
jhaaNk kar dekhaa galii main koii bhii aayaa na tha
aks to maujood the par aks tanhaaii ke the
aainaa to thaa magar us main teraa cheharaa na tha
aaj us ne dard bhii apane alahadaa kar diye
aaj main royaa to mere saath wo royaa na tha
ye sabhii viiraaniyaa us ke judaa hone se thii
aaNkh dhuNdhalaai huwii thii shahar dhuNdhalaya na tha
yaad karake aur bhii takleef hotii thii "Emran"
bhool jaane ke siwaa ab koii bhii chaaraa na thaa
meri sulagti tanhai ko wo zalim kya samjhe ga
mai har rooz jalta hon ek parwanay ki tarha
No comments:
Post a Comment